Tubos Reunidos taldeak aldi baterako enplegu erregulazio espedienteak etekinak handitzeko baliatzen dituela salatu dute

Aitor Aspuru Saez 2024ko maiatzaren 31
Deskargatu Info Ahotsak :

Museoaren aurrean egin zuten elkarretaratzea. / ESK

Trapagako lantegiko ESK eta LABen sail sindikalek eta Amurrioko ESKkoak deitu zuten elkarretaratzea atzo akziodunen batzar orokorraren aurrean.

Tubos Reunidos enpresak akziodunen batzarra egin zuen atzo Guggenheim Museoan. Hori dela eta, elkarretaratzea egin zuten Trapagako lantegiko ESK eta LAB sindikatuen atalek eta Amurrioko fabrikako ESKko ordezkaritzak. Mobilizazioaren helburua izan zen salatzea konpainiak aldi baterako enplegua erregulatzeko espedienteak erabiltzen dituela lan hitzarmenak ez betetzeko, malgutasuna ezartzeko beharginen artean eta etekinak biderkatzeko.

"Amurrion azken 9 urteetan aplikatutako zazpigarren ERTEa da orain indarrean dagoena, eta Trapagaranen bosgarrena. Hau da, azken 9 urteetan, langileak enpresaren nahien mende egon dira, lanaldiaren ia %50 murrituz", gogoratu zuten sindikatuek. Bide batez, azpimarratu zuten iaz 50 milioi euroko mozkinak izan zituela enpresak eta erakundeei exijitu zieten neurriak hartzeko, behin-behineko premiazko neurriak ez daitezen etekinak handitzeko tresna bilakatu.

Ekonomia Amurrio
Erlazionatuak
6,7 milioi euro banatu dituzte 2023an Tubos Reunidoseko kontseilari eta goi kargudunen artean
6,7 milioi euro banatu dituzte 2023an Tubos Reunidoseko kontseilari eta goi kargudunen artean

Txabi Alvarado Bañares 2024 mar 14 Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide