Babio Igoeraren VIII. edizioa egiten ari dira, Amurrio Trail Taldeak antolatuta. Atzo arratsaldean abiatu zuten ekimena. Bildutako dirua Arabako Minbiziaren Aurkako Elkartearentzako izango da.
Atzo arratsaldeko 18:00etan hasi eta etengabe ari da Amurrioko Babio mendira jendea igotzen. Amurrio Trail Taldeak antolatuta, Babio Igoeraren VIII. edizioa egiten ari dira, Arabako Minbiziaren Aurkako Elkartearentzako dirua biltzeko asmoz.
Orduro abiatu dira mendizaleak Juan Urrutia Plazatik. Gaua girotzeko kontzertuak ere egin dituzte. 10:00etan abiatuko dira azkeneko aldiz Babio mendiaren tontorreraino, Olentzeroren laguntzarekin.
Argazkiak: Aimar Gutierrez Bidarte eta Amurrio Trail
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
