Aiara Gazte Music Fest jaialdia zuzenean emitituko du Aiaraldea Komunikabideak bihar

Erredakzioa 2025eko urtarrilaren 24a
Deskargatu Info Ahotsak :

Matx eta Cuatro Bancos Amurrio Antzokian, artxibo irudi batean. / Naia Vallejo

Aiaraldea.eus atarian jarraitu ahalko dira Cuatro Bancos, Gwa Ya, Belgorri, Matx eta Deribaren kontzertuak zuzenean.

Aiaraldea Komunikabideak zuzenean emitituko du Aiara Gazte Music Fest jaialdia bihar, Amurrioko Antzokitik. 20:00etan hasiko da emanaldia eta bi orduko iraupena izango du. Eskualdeko lau talde eta bakarlari arituko dira oholtza gainean: Cuatro Bancos, Gwa Ya, Belgorri, Matx eta Deriba. 20 minutuko emanaldia eskainiko du bakoitzak, eta "sorpresak" ere egongo dira tartean, antolatzaileek jakinarazi dutenez. 

Antzokiaren XX. urteurrenerako prestaturiko programazioaren barruan kokatu dute jaialdia, eta sarrerak hemen zein egunean bertan eskuratu daitezke sei euroren truke. 

Komunikazioa Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide