Urriaren 13ko esperientziaren ostean, mendi ibilaldi berria egingo dute Asaltamontes Female eta Amurrio Trail taldeek martxoaren 9an, 9:30ean Juan Urrutia plazatik abiatuta. 10 kilometroko ibilbidea prestatu dute Babio eta Burubio mendiak zeharkatzeko eta, garrantzitsuena, emakumezkoen artean egiteko.
Izan ere, egitasmoaren xedea da emakumeen artean kirola eta elkar-ezagutza sustatzea, geroago euren kabuz jarraitu dezaten jarduerarekin.
Hainbat aukera eskainiko dituzte horretarako. "Taldetxoak egongo dira eta bakoitzak berezko erritmoa izango du. Emakume guztiontzako tokia egongo da, nahi duenak korrika edo ibiltzen egin dezan ibilbidea", aipatu du Amurrio Trailek.
Hornidura puntuak jarriko dituzte bidean eta izena emateko aukera dago hemen, doakoa da.
Iazko urrian izan zen ekimenaren lehen edizioa eta modu positiboan baloratu zuten, 55 emakume inguruk parte hartu baitzuten.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
