Antzerki Laburraren XI. Jardunaldiak egingo dituzte bihar Amurrio Antzokian 19:30etatik aurrera. Bazkideak ez direnentzat sei euro balioko du sarrerak eta 15 edo 20 minutu irauten duten lau antzezlan ikusteko eskubidea emango die horrek.
Gainera, protagonismo nagusia Aiaraldeko antzezleek izango dute. Hain zuzen, Aimara antzerki talde amurrioarrak birritan taularatuko du pieza bera; euskaraz eta gazteleraz.
Euskarazko aktoreak Serapio Lopez, Jon Gerrero, Virginia Garcia, Marian Fradejas eta Ainhoa Isasi izango dira eta gazteleraz, aldiz, Sonia Coteron Negueruela, Miren Itziar Goikoetxea Zulueta, Nerea Villar Garcia, Jose Manuel Ortega Martin eta Raul Garcia. Guztiek antzeztuko dute Altuna Jaunaren hilketa, Julio Cortazar idazlearen pieza.
Laudioarrak ere
Ordezkari laudioarrak ere ez dira faltako. Izan ere, Irune Ibarretxek, Janire Rojasek eta Ainhoa Sabiok El pequeño meñique taularatuko dute, Ibarretxek berak sortutako lana.
Azkenik, Corsarios ikusteko aukera ere egongo da.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
