Klubeko gizonezkoen senior taldeak txapelketa irabazi eta maila igoera eskuratu zuen atzo. Emakumezkoen junior taldeak, aldiz, Arabako Liga irabazi zuen.
Egun borobila izan zuen atzo Zaraobe Saskibaloi Taldeak. Izan ere, asteburuan bi lauko final antolatu dituzte eta bietan izan dira garaile.
Emakumezkoen junior taldea izan zen lehen txapelduna. Neskek errendimendu liga jokatu dute eta Sugarraken kontrako derbia izan zuten igande goizean, finalerdiak gainditu eta gero. 66-55 menderatu zituzten amurrioarrek laudioarrak eta, nolabait, pasa den asteko Sugarraken garaipenaren mendeku hartu zuten.
Atzo eguerdian, ordea, gizonezkoen senior taldearen txanda heldu zen eta ez zuten kale egin. Alegia, nagusitasunez irabazi zuten 73-57. Garaikurra ez ezik, Euskadi mailara ere igo dira eta hurrengo denboraldian Bizkaia, Gipuzkoa eta Arabako taldeen kontra neurtuko dituzte indarrak .
Jon Pinedo presidenteak adierazi du lorpen historikoa dela herri txiki batentzat eta, hori dela eta, udaletxeko balkoira igo ziren 14:30ean, ordezkari politikoen harrera izan ondoren.
Argazkiak: Chris Gomez Dominguez (kiroldegian eginikoak), Aimar Gutierrez Bidarte eta Zaraobe ST
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
