Amurrioko udal alderdi ororen babesarekin adierazpen instituzionala egin du tokiko erakundeak Basarte futbol zelaian asteburuan agertutako margoketak salatzeko.
Hain zuzen, Udalak adierazi du mehatxuzko eta iraingarriak direla pintadak eta horrek suposatzen duela herriko bizikidetzaren kontrako erasoa. Halaber, argitu dute mezuen edukia: "Amurrio Klubarekin lotura duen eta aldi berean Ertzaintzako agentea den pertsona baten aurka zuzendutakoak, zeinak bertan jarduera erabat kirolari lotua garatzen baitu".
Hori dela eta, Bozeramaileen Batzarrak "babes osoa" eskaini dio seinalatutako pertsonari –bai bere kirol jardunean, bai bere ibilbide profesionalaren garapenean–, eta baita Amurrio Klubari ere.
Gainera, Amurrioko Bozeramaileen Batzarrak eskatu du abiarazitako ikerketek ahalik eta azkarren argitu ditzatela ekintza hauen erantzuleak nortzuk diren.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
