Euskal Herriko zein nazioarteko atleta askoren egutegian gorriz markatutako eguna da abenduaren 28a. Oinkariak Atletismo Taldeak antolaturiko Amurrioko Krosaren VII. edizioa egingo dute egun horretan eta, iaz bezala, World Athletics Silver aintzatespena izango du kirol probak aurten ere.
Horrenbestez, "munduko kros zirkuiturik onenaren" parte izango dela aldarrikatu dute antolatzaileek.
Izen ematea zabalik
Honezkero zabalik dago krosean parte hartzeko izen ematea. Internet bidez egin behar da inskripzioa, Kirolprobak webgunean.
Abenduaren 25era arte egongo da hitzordura batzeko aukera. Federatuen lasterketetako inskripzioek hiru euroko kostua izango dute, herri krosak, aldiz, bost eurokoa.
Antolakuntzak Amurrioko eta Aiaraldeko bizilagunei luzatu die lasterketa herrikoian parte hartzeko deia, baita egunean bertan ikusle bezala Refor kirolgunera bertaratzekoa ere.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
