Tubos Reunidos enpresako CEOak, Carlos Lopez de las Heras berak, batzarra egin zuen atzo konpainian ordezkaritza duten sindikatuekin, Auzitegi Nazionalak eskatutako informaziori buruz hitz egiteko.
Izan ere, asteburuan albiste larriak zabaldu dira konpainiaren inguruan. Zehazki, agertutako berriek Vicente Fernandez Guerrero aholkularia ustelkeria trama bati lotu dute. Horri guztiari dagokionez, Lopez de las Herasek adierazi zuen atzo epaitegiak eskatutako informazio guztia eman duela enpresak.
Horrez gain, zuzendaritzako kideak azpimarratu zuen enpresa ez dagoela inputatuta eta Vicente Fernándezekin izandako harreman bakarra laguntza publikoen eta negozio garapenaren inguruko aholkularitza izan dela, une hartan Tubos Reunidosen ez baitzegoen horretarako gaitasunik zuen inor.
Berez, sindikatuen komunikatuak ez du aparteko ezer gehitu, CEOaren hitzetatik harago eta zenbait iturrik aipatu dute, momentuz, sindikatuek ez dutela ezer esaterik, gutxienez, Auzitegi Nazionalak urrats gehiago egin arte.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
