Egun bizia izan dute gaur Tubos Reunidoseko langileek. Goizean protesta errepidera eraman eta gero, Bilbora jo dute 11:00ak aldera. Manifestazioa multinazionalaren bulegoen aurrean hasi dute eta gero Bizkaiko Foru Aldundiko egoitzan egin dute geldialdia.
Handik Sabin Etxera mugitu dira, EAJren egoitza nagusira. Ondoren, BBVAko eraikinean egon dira eta Cuatre Casas abokatuen bulegoan ere egin dute protesta, horiek kudeatu baitute espedientearen tramitazioa.
Moyua plazatik igarota, PSE-EEren egoitzara eraman dute mobilizazioa (EAJrekin batera Eusko Jaurlaritza gobernatzen baitute sozialistek koalizioan eta Espainiako Gobernua ere kolore politiko horretakoa da). Guggenheim Museoaren aurrean amaitu dute, kaleratzeen, altzairutegiaren itxieraren eta logistikaren kanporatzearen kontra.
Argazkiak: Tubos Reunidoseko langileak
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
