Dozenaka lagun bildu dira gaur arratsaldean Amurrioko plazan, iragan asteazkenean Basaurin jazotako erailketa matxista gaitzesteko. Euskal Herriko Emakumeen Mundu Martxako kideek deitu dute protesta, eta ohartarazi dute honakoa ez dela azken egunetan Euskal Herrian jazotako eraso larri bakarra, atzo 48 urteko gizon bat bere emaztea hiltzen saiatu baitzen Berrizen.
Eraildako emakumearen senideei eta larriki zauritutakoari “babesik beroena” helarazi diete elkarretaratzean, eta mahai gainean jarri dute horrelako indarkeria kasuen atzean gizonek zein erakunde publikoek duten erantzunkizuna.
Horrez gain, nabarmendu dute aurten Euskal Herrian jazotako bigarren erailketa matxista dela Basaurikoa, urtarrilean beste bat jazo baitzen Barakaldon, eta kasu horretan ere protestak antolatu zituen eskualdeko mugimendu feministak.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
