478,5 metro karratu izango ditu Mendiko Eskolako jolastokiko estalkiak, eta eguzki-plakak jartzeko aukera emango du

Txabi Alvarado Bañares 2026ko maiatzaren 4a

Mendiko Eskolako patioan jarriko dute estalkia. / Amurrioko Udala

Amurrioko Udalak hasierako onarpena eman dio proiektuari. Eskolako Guraso Elkarteak bultzatu zuen proiektua iaz, Arabako Foru Aldundiaren Aurrekontu Parte-hartzaileetara aurkeztuta eta 1.116 herritarren babesa jasota.

Hasierako onarpena eman dio Amurrioko Udaleko Gobernu Batzordeak Mendiko Eskolako jolastokiko estalkiaren proiektuari. 478,5 metro koadroko gune bat atontzea aurreikusi dute.

Tokiko erakundeak zehaztu duenez, “egitura modular” bat eraiki nahi dute, “bi fasetan gauzatzeko aukera emango duena, eta, horrela, aurrekontu-erabilgarritasunera” egokitzeko aukera emango duena.

Aurreratu dutenez, altzairuzko egitura izango du estalkiak, eta “sandwich-panel bidezko itxitura-sistema”. Modu horretan, argi naturala sartzea erraztu nahi dute.

Gainera, diseinu horrek aukera emango du etorkizunean eguzki-plakak instalatzeko. Modu horretan, “jasangarritasunarekin duen konpromisoa sendiou” nahi du Udalak.

1.116 herritarren babesa

Guraso elkarteak sustatu zuen estalkiaren proiektua iaz. Arabako Foru Aldundiko aurrekontu parte hartzaileetara aurkeztu zuten egitasmoa, eta hautatua izan zen azkenean, 1.116 herritarren babesa jasota. Gauzak hala, foru erakundearen finantziazioa jasoko du proiektuak.

Hezkuntza Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide