Eduki hau partekatzeko esteka arbelera kopiatu da.
Epaitegiaren agindu bat betetzen ari direla azaldu du Ertzaintzaren prentsa kabineteak.
Gaur goizean Amurrioko Udaltzaingoa Landako kalean dagoen eraikin okupatu batera bertaratu da. Udaltzainak Ertzaintzarekin batera bertaratu dira eta barruan bizi diren pertsonak kaleratzeari ekin diote.
Ertzaintzak azaldu du babes gisa soilik daudela, baina ez dela inolako talkarik sortu. Iturri berak zehaztu du epaile baten agindua egikaritzen ari direla.
Aiaraldea Komunikabideak jakin izan duenez, kale egoeran zeuden dozena erdi lagun bizi izan dira etxe horretan iazko urte amaieratik. Hala ere, ez dituzte kaleratu oraindik. Antza, desalojo agindua da helarazi dietena, eta hori eramatera joan da polizia.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
