Tubos Reunidos

Carlos Lopez de las Heras Tubos Reunidoseko CEOa, aurreko presidentea eta Administrazio Kontseiluko kide bat ari da ikertzen Guardia Zibila

Aitor Aspuru Saez 2026ko ekainaren 9a

Langile bat salatzen Carlos Lopez de las Herasek 301 lankide kaleratu nahi zituela. / Aiaraldea.eus

Horrela adierazi dute hainbat hedabidek. Santos Cerdan Espainiako Diputatu sozialista ohiaren eta Leire Diez alderdi sozialistako kidearen mesedeak ordaintzea leporatzen diete, betiere komunikabideen arabera.

Pasa den astean Guardia Zibilak Tubos Reunidoseko hainbat bulego miatu eta gero, El Mundok eta Vocento taldeko hedabideek, besteak beste, azaldu dute multinazionalari lotutako hiru lagun ari direla ikertzen.

Carlos Lopez de las Heras egungo CEOa da horietako bat, Jesus Perez Rodriguez-Urrutia Administrazio Kontseiluko kidea bigarrena eta Francisco Irazusta aurreko presidentea hirugarrena. Irazustak 2023an utzi zuen postua beste eskaintza bat onartzeko.

Zehazki, hirurei leporatzen diete influentzia-trafikoa, hedabideen arabera. Ustez, Francisco Irazustak 114.950 euro bideratu zizkion Santos Cerdan Diputatuari Mediaciones Martinez enpresaren bitartez, SEPIk multinazionalari emandako 112,8 milioi euroko mailegua errazteko.

Carlos Lopez de las Heras eta Jesus Perez Rodriguez-Urrutiaren kontrako akusazioa, aldiz, Santos Cerdanekin biltzea da, SEPIk atzeratu zezan maileguaren 10 milioi euroko ordainketa. Guardia Zibilak uste du 40.000 euro eman zizkiola enpresak Vicente Fernandezi, zeina konpainiaren aholkularia zen une horietan.

Ekonomia Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide