Megatech enpresaren lantegia erabat gelditu du gaurko grebak

Aitor Aspuru Saez 2026ko ekainaren 23a

Gaurko lanuztearen irudia.

Aldi baterako laneko enpresen bitartez kontratatutako langileak baino ez dira joan lanpostuetara eta Megatechek ezin izan dio jarduerari aurre egin horiekin soilik, sindikatuek azaldu dutenez.

Balorazio oso positiboa egiten ari dira Megatech enpresako sindikatuak gaur deitutako lanuzteari harira. Izan ere, goizeko lehen ordutik fabrika geldirik dago, aldi baterako laneko enpresen bitartez kontratatutako langileak soilik sartu baitira azpiegituran.

Piketeek ez diete inolako arazorik jarri behargin horiei goizeko txandan eta arratsaldekoan egoera errepikatu da. Azkenean, enpresak berak etxera bidali ditu aldi baterako enplegatuak, bakarrik eurekin ezin zuelako ekoizpena abiatu. Gauzak horrela, langile horiek gaurko soldata kobratuko dute.

Muturreko tenperatura beroen ondorioz, grebalariek piketea utziko dute 15:00etan eta 21:00etan itzuliko dira, gaueko txandara.

Gogoratu beharra dago gaur eta ostegunean 24 orduko lanuzteak deitu dituztela lan hitzarmen duina aldarrikatzeko.

Ekonomia Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide