Tubos Reunidos

Tubos Reunidoseko administrazio konkurtsalak adierazi du lantegien jarraipena aurreikusten duten eskaintzak daudela

Aitor Aspuru Saez 2026ko urriaren 8a

Tubos Reunidoseko langileen aldeko margoketa Amurrion. / Aiaraldea.eus

Administrariak jakinarazi die sindikatuei argipen gehiago behar dituela eta urriaren 13an 48 orduko epea emango dietela enpresa interesdunei, erantzun dezaten.

Tubos Reunidos taldeko biziraupenaren txanponak airean jarraitzen du. Izan ere, konpainia interesdunek euren eskaintzak eta proposamenak adierazi arren, administrazio konkurtsalak informazio gehiago behar du erabaki bat hartzeko.

Horrela jakinarazi die sindikatuei. Izan ere, administrariak azaldu du eskaintzek "planteatzen dituzten baldintza konplexuen" ondorioz, argipen gehigarriak behar dituztela.

Gauzak horrela, urriaren 13an, asteartean, interesdunekin harremanetan jarriko dira eta zalantzak argitzeko eskatuko diete, 48 orduko epean.

Hurrengo egunean azken bost aukerak

Behin hori eginda, administrariak hurrengo egunean erabakiko du zein bost eskaintzen artean geratuko den lehia. Bost eskaintza horien informazioa anonimotasunez (ez jakiteko zein enpresak zer eskaintzen duen) partekatuko dute langileekin zein administrazio kontseiluarekin.

Jarduerarekin jarraitzeko aukera

Azkenik, administrariak, zuhurtzia osoz, aipatu du eskaintzen artean badaudela lantegi ezberdinen jarduerarekin jarraitzeko proposamenak.

Ekonomia Amurrio

Erlazionatuak

Gaur amaitzen da Tubos Reunidos erosteko eskaintzak aurkezteko epea, eta badaude interesdunak

Txabi Alvarado Bañares urr 07, 12:50 Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide