Tubos Reunidos

Tubos Reunidoseko sindikatu guztiek bilera eskatuko diete SEPIri eta Espainiako Ogasun Ministerioari, euren "jarduera oztopatzailea" dela eta

Aitor Aspuru Saez

Tubos Reunidoseko langileak Espainiako Kongresuan.

Langile Batzordearen iritziz, SEPIren eta Estatuko Abokatuaren jarrera oztopatzen ari da enpleguaren mantenua Amurrion.

Amurrioko Tubos Reunidoseko sindikatu orok (ELA, LAB, UGT, ESK, CCOO daude ordezkatuta lantegian) zenbait ekimen adostu dituzte gaur, enpresa likidazio prozesuan sartu den unean. Berez, bilera urrats hori baino lehen zegoen aurreikusita, baina gaur batzarrean ordezkari sindikalek sinatu eta jakinarazi dute SEPI eta Espainiako Ogasun Ministerioari bilerak eskatuko dizkietela egoeraren berri emateko.

Izan ere, beharginen antolakundeen ustez, bi erakundeen jarrera oztopatzailea da administrazio konkurtsoari irtenbidea bilatzeko orduan,  enplegua mantentzeari begira gutxienez.

Berez, sindikatuek gogoratu nahi diote SEPIri bere helburua "enpresa-jarduerari eusten laguntzea dela", eta baita "sektore estrategikoak zaintzea eta enplegua babestea" ere.

Halaber, mahairatu dute zuzendaritzaren praxi txarrak eta ardugabekeriak ezin dituztela arriskuan jarri Amurrioko lantegiko 900 enpleguak, eta gainontzeko lantegietakoak ere. 

Oroitu beharra dago konpainia administrazio konkurtsoan dagoela eta oraindik airean dagoela zer gertatuko den proiektu industrialarekin eta sortzen dituen lanpostuekin. Hain zuzen, enpresa eskuratzeko interesa erakutsi duten zenbait konpainiek adierazi dute ezinbestekoa dela SEPIren zorra berregituratzea salmenta egikaritu dadin.

Aurreko ostegunean Oier Bidauzarraga LAB sindikatuko ordezkaria egon zen Azalera podcastean gaiaren inguruan mintzatzen:

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide