Arakaldoko udaletxean eguzki plakak jarri dituzte bolatokia, txokoa, ur biltegiak eta udaletxea bera argindarrez hornitzeko.
Udal aurrekontuetan zehaztu bezala, plaka-fotoboltaikoak instalatu dituzte aste honetan Arakaldoko udaletxean. Hauei esker, udaletxea bera, txokoa eta ur-biltegiak argindarrez hornituko dituzte aurrerantzean. Gainera, herriko txokoa eta udaletxea biomasa sistemaren bidez berotzen dira. "Energia berriztagarriz baino ez dira elikatuko Arakaldoko eraikinak, bat izan ezik" azaldu du Jabi Asurmendi alkateak.
14.000 euro baliatu ditu udalak energia burujabetzaren aldeko urrats hau gauzatzeko. Aurreikuspenen arabera, 11 urtetan espero dute inbertsioa amortizatzea.
Asurmendik aurreratu duenez, udazkenean hasiko dira herritarrekin komunitate energetikoaren gaia lantzen; udalerriko etxebizitzak sistema berri honen bidez hornitzeko ere. Tokiko erakundearen helburuak energia berriztagarriak sustatzea eta deskarbonizazio prozesuan laguntzea dira.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
