Asteazkenean -urtarrilak 31- bildu zen Arrankudiagako Andra Mari Jaiak antolatzen dituen batzordea.
13 lagun bertaratu ziren bilerara, eta ospakizuna aurten noiztik nora luzatuko den adostu zuten. Gauzak hala, abuztuaren 14an hasiko dira festak, Bezpera-Marmitako Egunarekin. 15ean Andra Mari Eguna izango da, 18an Umeen Eguna, 19an Kofradiarena eta 20an, aldiz, Berakatz Eguna.
Modu horretan, “data tradizionaletara” itzuliko dira jaiak, duela bi urte arte baliatzen ziren horietara. 2016an hartu zuten antolatzaileek jai-egunak bateratzeko apustua, ordura arteko egutegia aldatuta: “Jai Batzordean herritar batek egin zuen proposamena eta ondo ikusi genuen”.
Erabakiak, baina, polemika sortu zuen herriko sektore batzuen artean, herritar batzuk datak mantentzearen alde zeudelako.
Hala ere, antolatzaileek azaldu dute behin-behinekoa dela data tradizionaletara itzultzearen erabakia: “Aurten data horiek egokiagoak direlako egin dugu hautua”.
Iazko jaiek utzitakoak, hemen ikusgai:
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
