Euskal dantzen ikastaroa antolatu du Gazte Asanbladak
Erredakzioa
2018ko api. 3a, 07:30
Apirileko astelehen guztietan eskainiko dituzte gazte zein helduentzako tailerrak. Horrez gain, 13an kontzertuak antolatu dituzte.
Euskal dantzak ikasteko parada eskainiko du Arrankudiaga eta Zolloko Gazte Asanbladak. Apirileko astelehenak aukeratu dituzte hitzordua jartzeko. 18:30etik 19:30era izango dira ikastaroak, Txondorra gaztetxean. Gaur -apirilak 3- hasiko dituzte saioak, eta 9an, 18an, 23an eta 30ean izango dira hurrengo saioak. Jarduera doakoa da, eta ez da aldez aurretik izena eman behar.
Apirileko egitaraua Dantzatzeko ordea, ez da hori izango aukera bakarra. Izan ere, kontzertuen gaua prestatu dute apirilaren 13rako. Astarte eta Disaster Now taldeak oholtzaratuko dira gaztetxean. "22:00etan hasiko da musika emanaldia, eta 02:30ak arte egongo da musika", azaldu dute hedabidera bidalitako oharrean. Horrez gain, afari eskaintza ere izango dela aurreratu dute.
Igandean, aldiz, zinemari egingo diote tartea, Disneyren "Coco" filma proiektatuko baitute 18:00etan.
Auzolanean atondu zuten Txondorra gaztetxea Gazte Asanbladako kideek duela 2 urte. Geroztik, hainbat jarduera antolatu dituzte bertan.
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
