Auto elektrikoak kargatzeko puntua instalatu dute jadanik

Aitor Aspuru Saez 2020ko azaroaren 17a
Deskargatu Info Ahotsak :

Xarmanta jatetxearen alboan dago karga puntua./ Gartzen Garaio

Iberdrolak azpiegitura jarri du jadanik Atxetan auto elektrikoen kargarako. Hori bai, udalak azaldu du oraindik Industria Sailaren baimenaren zain daudela funtzionamenduan egoteko.

Irailaren amaieran sinatu zuten akordioa Arrankudiaga-Zolloko Udalak eta Iberdrola enpresak auto elektrikoen karga puntua ezartzeko Atxetan. Hilabete eta aste gutxi behar izan ditu enpresak azpiegitura instalatzeko, eta jadanik prest dago.

Edonola ere, Txutxi Ariznabarreta alkateak jakinarazi du baliabide elektriko hori ez dagoela oraindik indarrean, Industria Sailaren baimena behar baitu. Halaber, udal ordezkariak argitu du ez dakitela zenbat denbora beharko den hori jasotzeko.

Jarri den puntua erabiltzeko "Recarga Publica APP" beharrezkoa da, eta bi ibilgailuk egin dezakete aldi berean.

Jendartea Arrankudiaga-Zollo
Erlazionatuak
Auto elektrikoak kargatzeko gunea jarriko dute Atxetan
Auto elektrikoak kargatzeko gunea jarriko dute Atxetan

Izar Mendiguren Cosgaya 2020 ira 26 Arrankudiaga-Zollo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide