Angel Egaña gudaria omendu zuten atzo, bere fusilamenduaren urteurrenean

Aitor Aspuru Saez 2021eko ekainaren 3a

Angel Egañari omenaldi xumea egin zioten atzo Arrankudiaga-Zolloko bi lagunek. / Txomin Egiluz

Padura Bataloiko gudari zen arrankuadiagarra eta ekainaren 2an fusilatu zuten indar frankistek Valladoliden, Emilio Pedrero sendagile anarkistarekin batera.

Atzo Arrankudiaga-Zolloko bi herritarrek omendu zuten Angel Egaña Valladoliden. Herri bereko gudaria ekainaren 2an fusilatua izan zen, 1938. urtean. Gero hobi komun batean lurperatu zuten Emilio Pedrero sendagile anarkistarekin batera. Medikua ia hil arte torturatua izan zen eta gero, Egaña bezala, fusilatu zuten.

Omenaldia Valladolideko Carmen hilerrian bertan eraikitako memorialean egin zuten. Plaka batean jaso zituen Oroimen Historikoaren Aldeko Elkarteak hildako guztien izenak eta abizenak.

Angel Egaña ez zen izan herriko fusilatu bakarra, Gregorio Urkixu eta Ramon Azkue ere horrela akabatu zituen erregimen frankistak. Urkixu “separatista” izatea egotzita erail zuten Derioko hilerrian 1937ko abuztuaren 4an. Azkue, berriz, Santoñan exekutatu zuten 1937ko urriaren 15ean, Eusko Gudarosteen buruetako bat izatea egotzita. Horrez gain, Arrankudiaga-Zolloko jende gehiago hil zen altxamendu faxistaren aurkako borrokan.

Historia Arrankudiaga-Zollo

Erlazionatuak

Gerra Zibilean fusilatutako 2.650 pertsonen omenezko memoriala inauguratuko dute Valladoliden, arrankudiagar bat tartean

Julen Solaun Martinez 2020 ots 10 Arrankudiaga-Zollo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide