Urtzi Vergara da Arrankudiaga-Zolloko EAJko alkategaia

Aitor Aspuru Saez 2023ko apirilaren 14a
Deskargatu Info Ahotsak :

Tokiko politikara itzuliko da Urtzi Vergara. / Arrankudiaga-Zolloko EAJ

Vergara alkategaia izan zen 2015ean eta lau urtez udalgintzatik kanpo egon ostean, "gogotsu" dagoela adierazi du.

Arrankudiaga-Zolloko EAJk zabaldu berri du bere zerrenda maiatzaren 28ko udal hauteskundeetarako, eta Urtzi Vergara izango da burua alkatetza eskuratzeko.

Vergarak ibilbide luzea egin du tokiko erakundean. Izan ere, 12 urtez zinegotzi izan da eta 2015ean alkategaia ere izan zen.

Jeltzaleak adierazi dio Aiaraldea Komunikabideari lau urtez udal politikatik kanpo egon eta gero, gogotsu itzuliko dela etapa berri honetan.

Zerrenda

Olatz Alamillo izango da bigarren zerrendan. Alamillok Josu Beaskoetxearen tokia hartu zuen legealdi honetan eta zinegotzi gisa aritu da. 

Hirugarrena zerrendan Bego Iridin da, laugarrena Bingen Larizgoitia, bosgarrena Izaskun Barrenetxea -indarrean dagoen legealdiko zinegotzi independentea-, seigarren Juanan Yandiola, zazpigarren Josu Beaskoetxea, zortzigarren Miren Escalza eta bederatzigarren Gotzon Mendibil.

Politika Arrankudiaga-Zollo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide