Tokiko espezieetako 500 zuhaitz inguru landatu zituzten larunbatean Arrankudiagan

Erredakzioa 2025eko urtarrilaren 20a
Deskargatu Info Ahotsak :

None
None
None

Lurgaia Fundazioak eta Sagarrak talde ekologistak zabaldu zuten deialdia eta 60 lagun batu ziren.

Larunbat goiz bizia izan zuten Hego Uribetik eta Txorierritik heldutako dozenaka lagunek Arrankudiagan. Izan ere, Lurgaia Fundazioak eta Sagarrak talde ekologistak tokiko basoa landatzeko egitasmoa antolatu zuten.

Zehazki, 12 hektareako lursaileko jabea Sagarrakeko kidea da eta hitzarmena sinatu du Lurgaiarekin tokiko espezieak sustatzeko. Zortzi espezie ezberdin jarri dituzte, aniztasuna bermatzeko. Guztira, 500 ale inguru eraman zituzten eta adin anitzeko herritarrek parte hartu zuten landaketan.

Egitasmoaren bultzatzaileek auzolan gehiago prestatuko dituzte otsailean eta martxoan eta espero dute Arrankudiaga-Zolloko jendeak ere bat egitea.

Argazkiak: Sagarrak talde ekologista

Ingurumena Arrankudiaga-Zollo Arrankudiaga

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide