Zer da Euskaraldia zuretzat?
Oso barneratuta ditudan inertzia batzuekin amaitzeko ariketa interesgarria dela iruditzen zait, gero eta beharrezkoagoa dena, gainera. Aurreko edizioetan Euskaraldiarekin emozionalki konektatzea kostatu zaidan arren, oraingoan beste ilusio batekin bizitzen nabil.
Nola parte hartuko duzu bertan?
Ahobizi moduan parte hartuko dudan arren, uste dut belarriprestagoa izan beharko nukeela, izan ere sarri euskaraz hitz egiteko zailtasunak dituztenekin gaztelerara pasatzeko ohitura izaten dut, beraiei mesedea egiten egongo banintz bezala… Bestalde bai Zollon zein Arrankudiagan antolatu diren ekintzetan parte hartuko dut. Eskerrik asko antolakuntza lanetan zabiltzatenei!
Lanari dagokionez, gure eskolan oraindik gaztelerako ereduetako taldeak ditugu eta ikasle asko Euskal Herritik kanpo bizi dira edo beste herri batzuetan jaio dira, nahiz eta egun bertan bizi. Hauei Euskaraldiaren inguruan hitz egin eta ariketaren zentzuaren berri eman nahiko nieke.
Zure inguruko hizkuntza ohituretan eragina izango duela uste duzu?
Horretarako parte hartzen dut, beraz, baietz espero dut, kontatuko dizuet aurrerago ;)