Arrankudiagako plaza XII. trail lasterketaren irteera eta helmuga bilakatu zen atzo. 300 korrikalarik baino gehiagok hartu zuten parte guztira, maratoi erdian (21,1 km) zein lasterketa herrikoian (7,9 km).
Ostiralean hasi ziren herritarrak motorrak berotzen, Ugaitz Lekuek eta Aritz Leturiagak Goikogane Erronka leihatu baitzuten. Mendi horretako tontorrera 45 minutu baino gutxiagoan igo eta jeistean zetzan desafioa.
Txirrindulaz igo zen Lekue, eta 40:55 minutuan lortu zuen helmuga zeharkatzea. Korrika zihoan Leturiagari gailendu zitzaion horrela, 45:51ko denbora egin baitzuen.
Eskerrak Ahulak Garen elkartera bideratu dute erronkari esker lortutako dirua.
Atzo, ostera, parte hartze handiko trail herrikoian, atleta hauek izan ziren lehenbiziko postuetan sailkatu zirenak:
- Mikel Larrinaga /Jone Gartzia Gerra
- Ibai Perez / Janire Velasco
- Endika Aldama / Arene Isusi
Oihan Gorostizaga eta Irune Aspiazu izan ziren Arrankudiaga-Zolloko korrikalaririk azkarrenak.
Mendi maratoi erdiari dagokionez, honela geratu zen podiuma:
- Jon Durana / Marisol Gomez
- Ion Artetxe / Oihane Alonso
- Alexander Ordeñana / Beatriz Pacho
Aitor Izagirre zolloarra izan zen tokiko atletarik bizkorrena proba honetan.
Antolatzaileek balorazio positiboa egin dute eta datozen urteetan lasterketa hau antolatzen jarraitu ahal izatea espero dute.