Ertzaintzak Aiaraldea Komunikabideari azaldu dio larunbateko gertakarien inguruan soilik ikertuko duela nork gelditu zuen trena Arrankudiaga-Zolloko geltokian.
Izan ere, poliziak deia jaso zuen borroka bat gertatzen ari zelako Iberlandako inguruetan, baina ez du salaketa ofizialik erregistratu. Halaber, prentsa kabineteak adierazi du ez dutela zaurituen berririk izan.
Gauzak horrela, ertzainen esku geratu da argitzea nork erabili zuen trenaren balazta. Horren ondorioz, unitatea gelditu zen eta Ertzaintzak barruan zegoen jende gazte ugari identifikatu zuen.
Dena den, Renfek berak ez badie segurtasun kamaren irudirik ematen, ezingo dute zehaztu nor izan zen egilea.
Aiaraldea Komunikabideak atzo argitaratu zuenez, trena geltokian egon zen denbora luzez eta horrek eragina izan zuen garraio publikoaren zerbitzuan.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
