aiaraldea.eus

Eusko Jaurlaritzak errepideko oztopoak kenduko ditu 2018an, Mateo Lafraguak eskatu bezala

Erabiltzailearen aurpegia Erredakzioa   Osasuna  Artziniega

Mateo Lafraguaren aldarrikapena jaso du Eusko Jaurlaritzak 2018ko aurrekontuetan. Artziniega eta Bilbo artean dauden konkorrak kenduko ditu.

Eusko Jaurlaritzak errepideko oztopoak kenduko ditu 2018an, Mateo Lafraguak eskatu bezala
Mateo Lafraguak urteak daramatza konkorrek dakartzaten kaleak salatzen. | Ikusi handiago | Argazki originala

Mateo Lafraguaren aldarrikapena betetzeko 100.000 euro bideratuko ditu Eusko Jaurlaritzak 2018an. Horrela, Artziniega eta Gurutzetako Ospitalearen artean dauden 19 konkor kenduko dituzte Bi-2604 errep¡dearen 7 kilometrotan.

Eusko Legebiltzarrean
Artziniegarrak txostena osatu zuen azaltzeko oztopo horiek sortzen dituzten arazoak anbulantzietan eta ondorioak azaldu zituen Eusko Legebiltzarreko Osasun Batzordean. Berez, dialisiak egiteko baliatu behar du Mateo Lafraguak Bi-2604ko bidea, eta konkorrek maiz kaltetu dute.

Kenduko dituzten elementuak ordezkatzeko bestelako neurriak hartuko dituzte, asfaltatu bereziak edo ibilbidea estutuko dituzten piboteak jarriko baitira.

Borrokan jarraituko du Lafraguak
Artziniegako bizilaguna pozik azaldu da Eusko Jaurlaritzak emandako pausoarekin, baina borrokan jarraituko duela gaineratu du. "Nire ikerketan beste hainbat kasu jaso nituen", adierazi du Lafraguak. Estatu osoko egoera aldatzea du helburu, eta Europara jo du horretarako. Europako batzordean tramitera onartu dute dagoeneko artziniegarraren eskaera.

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa