Udal osoko bilkurak hartu zuen ostegunean lekukoa, Mateo Lafraguaren borrokaren ostean errepideko konkorrak kentzeko herritik Gurutzetako ospitalerako bidean.
Horrela, EH Bilduk alde batetik, eta EAJk eta PPk bestetik, mozioak aurkeztu zituzten bide elementu horiek debekatzeko eta jadanik daudenak kendu ditzaten.
Bi testuak oso antzekoak ziren. EH Bilduk proposatutakoak eskatu dio Arabako Foru Aldundiko Bide Azpiegituren eta Mugikortasun Sailari hiru hilabeteren buruan aurkezteko Batzar Nagusietan arau foralaren aldaketa, konkorrak debekatzeko asmoz.
Horrez gain, foru erakundeari exijitu diote ekintza plana osatzeko konkorrak urtebeteren buruan kentzeko.
EAJk eta PPk adostutako testua ez da oso ezberdina. Erakunde publikoei eskatu diote arauak aldatzeko konkor gehiagoren instalazioa ekiditeko, eta apurka-apurka elementu horiek errepidetik desagertzeko.
Bi mozioek jaso zuten babes osoa eta aho batez onartu ziren.
