Esteban Kerexetaren eskulturek girotuko dute uda Artziniega Museoan

Erredakzioa 2018ko uztailaren 4a
Deskargatu Info Ahotsak :

Egurra, metala eta harria lantzen ditu Esteban Kerexetak. / Artziniega Museoa

Datorren larunbatetik aurrera egongo da ikusgai. Mendieta Kultura eragileak, bere aldetik, argazki erakusketa inauguratuko du egun berean, udaletxe zaharrean.

Esteban Kerexetaren eskulturak egongo dira ikusgai Artziniega Museoan udan. Uztailaren 7an inauguratuko dute eskultore oñatiarraren erakusketa, 19:30ean. Irailaren 30era arte egongo da, museoaren ohiko ordutegian.

68 urteko artistak lau hamarkada baino gehiago eman ditu eskulturgintzan, eta egurra, metala zein harria lantzen ditu.

Argazki erakusketa
Mendieta Kultura eragileak, bere aldetik, argazki erakusketa atondu du. Hau ere larunbatean inauguratuko dute, 18:00etan udaletxe zaharrean, eta hilaren 28ra arte egongo da ikusgai.

Argazki guztiek gai komun bat izango dute ardatz: Artziniega. Roberto Gonzalez eta Lorea Rementeria argazkilarien lanak ikusi ahal izango dira, Mendieta Kulturak iragan hilabetean abiatutako argazki bilketako irudi hautatuekin batera.

Kultura Artziniega

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide