[ERREZETAK] Artziniegako txupinazoko zurrakapotea

Osagaiak:

· 80 litro ardo
· 7 litro anana zuku
· 7 litro melokotoi zuku
· 7 bote anana almibarretan
· 7 bote melokotoia almibarrean
· 14 limoi eta 14 laranja
· 27 kanela-zotz
· 14 kilo azukre
· 5 melokotoi likore botila
· 5 sagar likore botila
· 3 ron beltz botila
· 4 karpy botila
· 3 ginebra botila

Prestaketa:

1) Lehenik eta behin, ardoa egosi beharra dago. 80 litroak sutan jarri behar dira eta azukrea eta kanela-zotzak gehitu behar zaizkio saldari. Ardoa egosi bitartean, irabiatzea komeni da.

2) Ardoa sutik kendu ondoren, fruta (bai naturala eta baita almibarretan dagoena ere) zatitu eta edukiontzi batera bota behar da.

3) Fruta isuri ostean, edukiontzi berdinera ardoa ez diren gainerako edari guztiak gehitu behar dira.

4) Ardoa guztiz egosita dagoenean, sutik kendu eta fruta eta bestelako edariak dauden edukiotzira pasa.

5)Zurrakapotea guztiz eginda dagoela iruditu arren, edukiontzian dauden frutak eta edariak beratu egin behar dira. Beratze denbora, gutxi gorabehera, aste batekoa da.

6) Aste bat pasata, zurrakapotea iragazi behar da. Horrela frutak eta kanela-zotzak edaritik kenduko ditugu.

7) Hori eginda dagoenean, tenperatura baxuetan hoztu behar da eta, ondoren, edateko prest egongo da!

Oharra: Osagai kopuruak 100 litro egiteko pentsatuak daude.