Ganzorrotz Mendi Taldeak Jose Manuel Yarrituren omenezko mendi ibilaldia prestatu du hamargarrenez. Ohi bezala, bi ibilbide proposatu dituzte: laburra eta luzea. Izen ematea doakoa izango doa, eta Ganzorrotzen webgunean zein egunean bertan egin ahalko da. Martxa luzerako 7:00etatik 7:45era egongo da apuntatzeko aukera, eta laburra hautatzen dutenentzat 8:30etik 9:15era.
Lehen irteera -ibilbide luzekoa- 8:00etan izango da, eta bestea 9:30ean. Ganzorrotzek aurreratu duenez, jatekoa eta edatekoa eskainiko dute bidean zehar.
"Ibilbidea egin ezean, baina giroan murgildu nahi izanez gero, antolakuntzan zeure laguntzarekin kontatu nahiko genuke", adierazi dute oharrean mendi taldekoek. Zereginak aipatu dituzte: "Izen-ematea, janari eta edari banaketa, pasaguneen kontrola, ibilbideen irekiera eta itxiera eta abar". Zentzu horretan, boluntario aritzeko prest dagoen orori ganzorrotz@gmail.com emailera mezua bidaltzeko eskatu diote, edo Facebook zein Whatsapp bidez taldearekin harremanetan jartzeko eskatu:
Oharra: Eduki hau herritar eta bazkideen laguntzari esker plazaratu da, Artziniegako Udalak tokiko euskarazko hedabide bakarra ekonomikoki ez babestea erabaki baitzuen.
