Kepa Sojoren azken pelikulan baliatutako dekoratu eta elementu ugari egongo dira ikusgai herriko establezimenduetan.
La pequeña Suiza filmean baliatutako atrezzoaren zenbait elementu egongo dira ikusgai datozen asteetan Artziniegako hainbat saltokitan. Kepa Sojo zinemagile laudioarraren filmean baliatutako planoak, dekoratuak, eskulturak eta beste hainbat objektu ikusi ahalko dira herriko erakusleihoetan.
Artziniegan grabatu zen pelikularen gehiengoa, iaz. “Filma bat egiteak dakarren ahalegin handiaren lekukoak izan ziren herritarrak. Ikusi dugu egun ugariko lana behar dela pelikulan segundo bakan batzuk osatzeko”, azaldu du udalak.
Gauzak hala, “pelikula baten atzean dauden dekoratuetan dagoen lana balioan jartzea” izango da erakusketaren xedea, tokiko erakundeak adierazi duenez. Hauek dira atrezzoaren elementuak ikusgai izango dituzten establezimenduetako batzuk: Casa Taida, Restaurante La Encina, Mercería Nuria, La Luna de Iza eta Batzoki.
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
