aiaraldea.eus

Ana Perez Rodrigez izango da Artziniegako jaien pregoilaria

Erabiltzailearen aurpegia Izar Mendiguren Cosgaya   Kultura  Artziniega

103urte ditu artziniegarrak. "Anita Zapataria" ezizenez da ezaguna herrian. Pregoilari izendatzearekin eskertu nahi diote herriaren alde eginiko lana.

Ana Perez Rodrigez izango da Artziniegako jaien pregoilaria
Ana Perez Rodrigez izango da pregoilaria. / Artziniegako Jai Batzordea | Ikusi handiago | Argazki originala

Ana Perez Rodrigez aukeratu du Artziniegako Jai Batzordeak aurtengo festen pregoilaria izateko. 1915eko abendauren 18an jaio zen Perez Rodrigez Cristosenden (Ourensen, Galizian). Besteak beste, Arteko Gure Ama eskolan sukaldari aritu da. "Jai batzordeak erabaki du "Anita la zapatera" -horrela ezagutzen dugu mundu guztiak- Artziniegako pertsonarik zaharrena, 104 urterekin, aurtengo jaietako pregoilaria izatea", adierazi dute zabaldutako oharrean. 

Gerraren ondorioz etorri zen Galiziatik Aiaraldera Perez Rodrigez, eta 1941. urtean finkatu zen Artziniegan. Izan ere, senarra zapataria zen: "Gure herrian herritartu zen. Lehenbizi Goienkalen bizi zen, eta gaurdaino udaletxe zaharraren ondoan dagoen etxean". 

Hala, herriko zaharrenari eman diote pregoia sortu eta txupina pizteko ardura. Abuztuaren 30ean izango da ekitaldia, 20:15ean Goiko plazan. 2015ean omenaldia egin zioten, 100 urte bete zituelako.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa