Bilera irekiak egiten hasi dira Artziniegako emakumeak, euren eskubideak aldarrikatzeko

Herriko jaietan jazotako erasoek bultzatuta eman dute pausoa. / Aiaraldea.eus

Eraso matxisten aurkako protokoloa eratzea dute helburu, besteak beste.

Bilerak egiteari ekin diote Artziniegako hainbat emakume. Hilabeteko azken igande guztietan dute biltzeko asmoa, 12:00etan udaletxe zaharrean. Azaldu dutenez, herriko jaietan jazotako erasoek bultzatuta eman dute pausoa. "Eraso horiek gertatu eta hurrengo egunean herriko emakume batzuk lotu ginen erantzun bat emateko. Playback txapelketan eman zen erantzun hori", azaldu dute emakumeek, "orduan konturatu ginen oraindik herrian lana egiteke zegoela eta ezinbestekoa zela mota, adin eta erlijio ezberdinetako emakumeak biltzea".

Azaldu dutenez, "hainbat adinetako emakumeak" bildu nahi dituzte, "talde plurala" osatuaz. Herrian berdintasunaren aurka egon daitezkeen arazoei eta feminismoari buruz hitz egingo dute bileretan. Helburu nagusi bat ere markatu dute: erasoen aurkako protokoloa osatzea, "herrian zein inguruan gertatzen diren erasoei erantzun bat eman ahal izateko".

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide