Bertan behera geratu dira Artziniegako ekintza guztiak koronabirusa dela eta

Udaletxera ez bertaratzea eskatu diete biztanleei, premiazko kontuengatik ez bada. / Aiaraldea.eus

Nahiz eta herrian ez den inor kutsatu, prebentzio moduan hartu dituzte neurri hauek. Artziniega Museoa ere itxi dute.

Artziniegako Udalak bertan behera utzi ditu datorren egunetarako programatutako jarduera guztiak, koronabirusaren transmisioa prebenitzeko asmoarekin. Tokiko erakundeak jakinarazi du momentuz ez dutela herrian gaixotasun horren kasurik detektatu, baina “egoera hori luzatze aldera eta kutsatzeko arriskua minimizatze aldera” hartu dituzte neurri guztiak, ohar batean adierazi dutenez.

Udaleko jarduera horien artean honako hauek daude: Udal ikastaroen programazioa etetea, liburutegiaren zerbitzua liburuak mailegatzera mugatzea eta, elkarteren batek udal-instalazioren bat erabiltzen jarraitu nahi izatekotan, udalaren baimenarekin izatea. Herritarrei udaletxera ez bertaratzea ere eskatu diete, “premiazko izapide atzeraezinetarako izan ezik”.

Era berean, honako gune hauek itxi dituzte: udal kiroldegia, jubilatuen eta pentsiodunen Etxea, udaletxe zaharreko lokalak, kultur etxeko lokalak eta Erretes Tuterako zentro soziala. Neurri berriak hartu behar izatekotan, ohiko bitartekoen bidez jakinaraziko dutela adierazi dute, eta “prebentzioko osasun-gomendioei kasu egiteko" deia zabaldu diete herritarrei. 

Artziniega Museoa ere itxi dute, Artea etnografia elkarteak jakinarazi duenez.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide