Etxez etxeko banaketaren aldeko apustua egin du Artziniegako liburutegiak

Liburuak eskatu ahalko dituzte berriz artziniegarrek.

Liburutegiaren helbide elektronikoaren bidez bakarrik egin ahalko dira eskaerak. Bueltatzean utzitako materialak desinfektatuko dira.

Etxez etxeko banaketa egingo du Artziniegako Udal Liburutegiak kideak direnen artean, liburuak eta ikus-entzunezko materiala eskatzeko aukera emanda. Horrez gain, liburuak etxean dituzten herritarrek aleak bueltatzeko aukera izango dute. Eskaerak liburutegia@artziniegakoudala.eus helbidearen bitartez egin beharko dira, norberaren izen-abizenak, NAN zenbakia, helbidea, harremanetarako telefonoa, liburuaren izenburua eta egilea zehaztuta.

Banaketa eta material bilketa era seguruan egiten dela ziurtatzeko, liburuen entrega Artziniegako boluntario sareko kideek egingo dute, prebentzio neurriak beteta. Eskatutako aleak itzultzean, apalategietara heldu baino lehen, desinfektatu egingo dira, eta gela independente bilduko dira bost egunez. Era berean, beste zazpi egun pasa beharko dira material hori bere ohiko tokian berriro utzi ahal izateko.

Hona hemen eskaintzen diren liburuetako batzuk:

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide