Artziniega Museoa irekita dago berriz

Asteartetik igandera arte egongo da irekita museoa. / Aiaraldea.eus

Santxotena Museoak iragan astean ireki zituen ateak. 

Gaur irekiko ditu ateak berriz Artziniega Museoak, lehen aldiz koronabirusaren krisia hasi zenetik. Asteko sei gunetan egongo da erakusketa gunea bisitatzeko parada. Asteartetik larunbatera 11:00etatik 14:00etara eta 16:30etik 19:30era egongo da zabalik. Igandean, aldiz, goizez soilik egongo da irekita. 

Hala ere, bisitak egiteko hitzordua eskatzea gomendatu dute museoko arduradunek, 945 396 210 telefonora deituta.  

Santxotena museoa ere irekita
Santxotena museoak, aldiz, iragan astean ireki zituen ateak, ekainaren 6an. "Martxoaren 7tik aurrera egon da museoa itxita, baina ia hiru hilabete hauetan zehar museo bizia izaten jarraitu dugu, artea kalera aterata", azaldu du Teresa Lafragua museoko kudeatzaileak.

Xabier Santxotenak eskulturaren zuzeneko bideoak eskaini ditu itxialdiko egun guztietan, bere lanak azaltzeko. Umeei bideratutako tailerra ere gauzatu dute. "Santxotenak zirriborro bat egin du, haurrek euren eskultura propioa garatu zezaten hortik abiatuta". 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide