GANZORROTZ MENDI TALDEA

"Aurten ez da urte amaierako Peñalbako Igoera egingo"

Peñalba edo Otsati mendia. / Wikiloc

Abenduaren 31ko txangoa bertan behera utzi du ohar bidez Ganzorrotz mendi taldeak. COVID-19 birusa ez kutsatzeko, arduraz jokatzeko deia luzatu diete herritarrei.

Sare sozialak baliatu ditu Artziniegako Ganzorrotz mendi taldeak Peñalban urtea agurtzeko egin ohi duten ekitaldia bertan behera uzteko. "Aurten ez da 31n ospatuko urte amaierako irteera, igo zaitez gabonetako edozein egunetan", zehaztu dute oharrean.

Eusko Jaurlaritzak koronabirusari aurre egiteko ezarritako osasun-prebentzio neurriak kontuan hartuta hartu dute erabakia. Zentzu horretan, herritarrei arduraz jokatzeko deia luzatu diete: "Gabonetako edozein egunetan igotzera animatzen zaituztegu, urte zaharra agurtzeko edota 2021 urte berria ospatzeko".

Hala, mendira joanez gero, Ganzorrotzeko sare sozialetan irudiak partekatzeko gonbita egin diete mendizaleei, "pozik egongo gara tontorreko argazkiak Ganzorrotzeko Facebooken partekatzen baidtuzu. Bitartean, jai zoriontsuak pasa eta urte berri on bat izan".

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide