Urtarrilaren 31ra arte egongo da Artziniegako Santxotena Museoko jaiotzen erakusketa bisitatzeko aukera. Urtero antolatzen du esposizioa, baina aurten Bilboko Deusto Expo Center aretora eraman dute erakusketa, Santxotena Museoan ez zegoelako bilduma osoa segurtasun distantziak errespetatuta jartzeko haina espaziorik. “2.400 jaiotza ditugu guztira, eta horietako 1.300 egon dira Bilbon ikusgai”, azaldu du Teresa Lafraguak. Artziniegako erakusketa aretoan, aldiz, 800 pieza jarri dituzte guztira. “Horietako batzuk duela gutxi eskuratu ditugu, erakusketan egongo diren lehen aldia izango da honakoa”, aurreratu du Lafraguak.
Aurtengo erakusketak berezitasun bat izango du: Xabier Santxotenaren eskultorearen ohiko eskulturak -urte osoan zehar daudenak- ere egongo dira ikusgai. Orain arte eskulturak kentzen zituzten jaiotzak jartzeko, baina aurten bi erakusketak uztartzea erabaki dute, bisitariek biez gozatzeko aukera izan dezaten. Gainera, Santxotenaren erakusketak ere piza berriak estreinatu ditu duela gutxi.
Asteburuetan irekita
Santxotena museoa asteburutan dago irekita, ostiraletik igandera, goiz (11:00-13:30) zein arratsaldez (16:00-19:00).