"Urtarrilaren 1az geroztik, Artziniegak 26 kasu positibo erregistratu ditu COVID-19 birusagatik, ezagunak, izan ere, guztien artean jakina da pertsona asintomatikoak daudela, eta ez direla erabat detektatzen", adierazi du oharrean.
Kezkagarritzat jo du kutsatzeen gorakada gobernuburuak: "Osakidetzako eskualdeko zuzendaritzak jakinarazi digun bezala, familia bilerak edo bazkarietan ematen dira. Hala ere, familia barruko kutsatze horiek norbait talde horretatik kanpo kutsatu delako gertatzen dira".
Osakidetzako eskualdeko zuzendaritzak jakinarazi duenez, familia barruko gaixotzeak norbait talde horretatik kanpo kutsatu delako gertatu dira
Artziniegako egungo egoera ez da ona, alkatearen hitzetan. Horregatik kontaktu sozialak gutxienekora jaistea eskatu du, "gure bizitza sozialeko ohiko pertsonengana murriztea". Hala izatekotan, datozen bi asteetan kasuak gutxitzea espero du Vivancok: "Profesionalek adierazi digutenez, agerraldiak izan genituen aurreko bi aldietan, etxeko lanak egin genituen eta zero kasuetara itzultzea lortu genuen denbora egonkor batean. Bada, gauza bera egin behar da. Neurriak ez dira udalerriaren perimetroa ixtetik pasatzen, neurriak guk geuk hartu behar ditugu. Nork bere erantzukizunetik".
"Neurriak ez dira udalerriaren perimetroa ixtetik pasatzen, neurriak guk geuk hartu behar ditugu"
Askoren kezka izan da Artziniega "gune gorri" bihurtzea: "Beharrezko neurriak hartu behar ditugu, batez ere espazio itxietan edo une batez maskara kentzen dugun lekuetan, egungo egoera leheneratzeko. Administrazioek egin dezatela egin beharrekoa eta azkar, eta guk egin dezagun gure zatia. Zaindu eta animo asko!"