'Egunean Behin' aplikazioan aritzeko taldea sortu dute Artziniegan

Artziniegako herritarrek euren artean lehiatzeko aukera izango dute. / Aiaraldea.eus

Denboraldi berria abiatuko du astelehenean CodeSyntaxek garatutako 'Egunean Behin' lehiaketak. Artziniegan taldea sortu dute herrikide guztien artean parte hartzeko.

8. denboraldia hasiko du 'Egunean Behin' lehiaketak, datorren irailaren 27an. CodeSyntax enpresak garatutako aplikazioak egundoko arrakasta lortu du, eta bere azken denboraldian 60.000 lagun bahino gehiagok hartu dute parte. Denboraldia abenduaren 12an bukatuko da eta, ohikoa bezala, final handia jokatuko da gero. Oraindik ez dute finalaren eguna zehaztu, baina ETB1 telebista katean eskainiko dute zuzenean. Izan ere Euskal Telebista da edizio berri honetako babesle nagusia.

Artziniegan erronkari heldu eta taldea osatu dute herrikide guztien artean lehiatzeko helburuarekin, eta elkarrekin euskaraz gozatzeko. Taldean sartzeko aplikazioa deskargatu eta esteka honetan klikatzea besterik ez dago.

10 galdera egunean

Lehiaketaren funtsa oso sinplea da: 10 galdera ahalik eta azkarren erantzutea. Aplikazioaren izenak dioen bezala, egunean behin bakarrik erantzun daitezke galderak eta astez aste eguneratzen da sailkapena. Euskara hutsezko aplikazioa da eta orotariko gaiak lantzen ditu: matematika, historia, geografia... 

Erlazionatuak

Egunean behin, luze ikasteko 10 galdera

Aiaraldea

Egunean Behin sakelakorako jolasa sortu du CodeSyntax enpresak. Euskarazko APPa da, eta hilabete gutxiren buruan egunero ia 25.000 lagunek jolastea...

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide