Artziniegako jeltzaleek bat egin dute Urbiden sartzeko erabakiarekin

Aitor Aspuru Saez 2021eko abenduaren 20a

Urbiden parte hartzeko erabakia azaldu zuen udal gobernu taldeak bilera batean. / Aiaraldea.eus

Abenduaren 13an onartu zuten ez-ohiko udalbatzan Artziniegako Udalak Urbide erakundean parte hartzea eta EAJk adostasuna adierazi du hautuarekin. Hala ere, gogor kritikatu du udal gobernu taldea.

Artziniegako EAJk prentsa oharra zabaldu du babesteko Urbidera batzeko udalak hartutako erabakia. Horren bidez, erakunde arabarrak uraren kudeaketaren ardura hartuko du udalerrian, Kantauriko Urkidetzaren desagerpenaren ostean.

Udal gobernu taldeak hausnarketa prozesua burutu du urrats hori egin baino lehen, eta jeltzaleek gogor kritikatu dute tarte hori hartu izana. Izan ere, oposizioko talde nagusiaren aburuz, ez zegoen zer pentsatu, ura kudeatzeko bide bakarra Urbiden sartzea zen eta. Ildo horretatik, EH Bilduri leporatu diote arduragabekeria eta gaitasun faltarekin aritzea, besteak beste.

EAJk azaldu du Urbide izan behar dela tresna etorkizunean ur zerbitzua ez garestitzeko, Europako ur zuzentarauak kontsumitzaileak behartuko baititu zerbitzuaren gastu guztiak ordaintzera, faktura bidez.

Politika Artziniega

Erlazionatuak

EAJren oharra, osorik

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide