Aurten aurkeztuko dute Ugaitz Agirrek Artziniegari buruz idatzitako ipuina

Aimar Gutierrez Bidarte 2022ko otsailaren 9a
Deskargatu Info Ahotsak :

Egonaldia egin zuen Ugaitz Agirrek Artziniegan iragan urtean. / Hamaika telebista

Udalbiltzak sustatutako 'Geuretik sortuak' egitasmoaren barruan Artziniegan oinarritutako ipuina sortu du Ugaitz Agirrek, herrian egonaldia egin ostean. Udalak apirilean aurreikusi du sorkuntza lanaren aurkezpena egitea.

Udalbiltzak sustatutako 'Geuretik Sortuak' egitasmoaren barruan egonaldia egin zuen Artziniegan Ugaitz Agirre usurbildarrak. Herrian oinarritutako ipuin bat idaztea zituen helburu, eta horretarako bertatik bertara ezagutu zuen udalerriko eguneroko bizitzaren nondik norakoak.
Euskal Herriko hogei udalerrik parte hartu zuten ekimenean, udalerriak eta sortzaileak elkar lotuz.

2022a proiektu desberdinetan ekoiztutako lan artistikoa ezagutzera emateko urtea izango da, eta horrela egingo dute Artziniegan ere, hiribilduaren 750. urteurrenarekin bat eginez.

Udalak apirilean ospatzen den 'liburuaren egunaren' testuinguruan aurreikusi du aurkezpena egitea, Joseba Vivanco alkateak jakinarazi duenez.

Kultura Artziniega
Erlazionatuak
“Euskal Herriko periferiako herriekiko dauden aurreiritzi asko apurtzeko baliatu nahi dut nire ipuina”
“Euskal Herriko periferiako herriekiko dauden aurreiritzi asko apurtzeko baliatu nahi dut nire ipuina”

Aimar Gutierrez Bidarte 2021 uzt 10 Artziniega

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide