Artziniegako ibilbideak jasotzen dituen diptiko berria aurkeztu du Udalak

Aimar Gutierrez Bidarte 2022ko martxoaren 7a
Deskargatu Info Ahotsak :

Artziniegako Udalak herriko ingurune naturalean barrena gozatzeko ibilbideak jasotzen dituen diptikoa aurkeztu zuen ostiralean. Sei dira guztira herrigunetik abiatzen diren txangoak.

Hiribilduko inguruak ezagutu eta gozatzeko diptikoa aurkeztu zuen ostiralean Artziniegako Udalak. Argitalpenak hainbat zailtasunetako sei proposamen jasotzen ditu: hiru ibilbide eta hiru pasealdi.

Euskarriek Artziniegako Utxati, Ganzabala eta Peñalba gailurrak bisitatzeko bideak barnebiltzen dituzte. Paseoek, berriz, San Antonio, Mendieta eta Berrones inguruak ezagutzera eramango dituzte bisitariak, 2-3 kilometroko bide errazak jarraituz. QR kodeekin lagundu dituzte txangoak. 

Ganzorrotz Mendi taldearen 2022ko egutegia ere plazaratu zuten ostiraleko ekitaldian. Hain zuzen ere, atzo, martxoak 5, egin zuen mendi taldeak bere lehenengo ekimena: Yarri Memoriala.

Jendartea Artziniega
Erlazionatuak
Lokatzari aurre egin diote Yarri memorialean parte hartu duten dozenaka mendizalek
Lokatzari aurre egin diote Yarri memorialean parte hartu duten dozenaka mendizalek

Aimar Gutierrez Bidarte 2022 mar 06 Artziniega

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide