Berezia izan da Martxoaren 8ko mobilizazioa Artziniegan. Ez dira ohiko elkarretaratzea egitera mugatu. Loreak landatzeari ekin diote iturriaren inguruan, koro feministak abestu bitartean, lorategi feminista sortzeko.
Historian zehar nabarmendu diren emakumeen izenak jarri dituzte loreekin batera. "Gure inguruan topatu ditzazkegun emakumeak ere aipatu ditugu: ama, amona, izeba, ahizpa..." azaldu dute Artziniegako Talde Feministako kideek, "borrokan galdu ditugun emakumeen, orain gaudenen zein etorriko direnen omenez sortu dugu lorategia". Nabarmendu dutenez, espazioak denboran irautea dute helburu.
Artziniegako emakumeei buruzko liburua
Datozen egunetan beste zenbait ekimen egingo dituzte udalak, talde feministak eta Hiriska emakume elkarteak elkarlanean. Martxoaren 18an Afrikako emakumeei buruzko zineforuma egongo da, 18:00etan udaletxe zaharrean. Hilaren 20an, aldiz, Artziniegako emakumeak historia egiten liburua aurkeztuko dute, 12:30ean udaletxean.
Argazkiak: Aitor Aspuru Saez
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide