Skate parkea eraikiko dute Artziniegan

La Barcena kirolgunean jarriko dute azpiegitura. / Artziniegako Udala

100.000 euroko inbertsioa egingo dute kirolgunea atontzeko. Arabako Foru Aldundiaren diru-laguntza jaso du Udalak, egitasmoa gauzatzeko.

Datozen hilabeteetan eraikiko dute azpiegitura berria Artziniegan, Joseba Vivanco alkateak aurreratu duenez.  "Azken egunetan baieztatu digutenez, 48.000 euroko diru-laguntza jasoko dugu skate gunea eraikitzeko La Barcena kirolgunean", erantsi du.

Bainera edo bowla ere izango du guneak, baita beste zenbait aparato ere

Garabide laguntza programaren baitan aurkeztu zuten proiektua, eta aurten gauzatzeko asmoa dute: "Inbertsio guztiaren zenbatekoa 100.000 eurokoa da, aparatodun espazioa eta bowl edo bainera eremuak barne". 

Udalak, bere aldetik, 52.000€ bideratuko ditu egitasmora, diru-laguntzatik falta den diru zatia bere gain hartuz. Gobernuburuak sare sozialetan adierazi duenez, datozen asteetan lizitatuko dute proiektua, obren exekuzioari lehenbailehen heltzeko.

Erlazionatuak

Skate Parken zaletasuna gora berriz

Aiaraldea

Goraka doa berriro ere patinatzearen eta BMX bizikleten zaletasuna Aiaraldean. Laudio eta Amurrioko skate pista berriak ongarri aproposa dira afizi...

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide