Harrera beroa jaso zuten uztailaren 9an munduko hamaika txokotatik Artziniegara bertaratu ziren arciniegatarrak. Izan ere, hiribilduaren 750. urteurrenaren testuinguruan, Arciniega abizenaren lehenengo munduko topaketa antolatu zuten.
Euskal Herritik ez ezik, Espainiatik eta Europako beste hainbat herrialdetatik ere bertaratu ziren bisitariak Artziniegara, baina bereziki Hego Ameriketatik, bertan baitago hedatuen abizena. Joaldunen doinuek gidatuta, Hiriko atean jaso zuten harrera ofiziala; agur dantza, kantu eta Joseba Vivanco alkatearen hitzartzearekin.
Herri bazkaria izan zen eguneko jarduera nagusia, berrehundik gora arciniegatar mahai beraren bueltan elkartu baitziren. Aurretik, ordea, Bizindar taldeko kideek herri kirol erakustaldia eskaini zuten, eta egun osoan Artziniegako interesgune desberdinetako ateak zabalik izan zituzten bisitariek.
Argazkiak: Artziniegako Udala
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
