Festa feminista ari dira ospatzen gaur Artziniegan

'Artzi-festa feminista' antolatu dute gaur Artziniegan, egun osoko egitarauarekin. Goizean solasaldia izan da nagusi.

12:00etan ekin diote Artziniegako festa feminista ospatzeari. Aurkezpenaren ondotik, CEARrek gidatutako kulturartekotasun mahaingurua egon da, Artziniegan bizi diren zenbait emakumeren eskutik. Hala, lurralde anitzetako emakumeek hartu dute hitza euren ohitura, bizimodu eta gogoetak partekatzeko. Horrez gain, Artziniegako frontoian hainbat txoko atondu dituzte. Gainera, zenbait kulturetako emakumeen jantziak ezagutzeko mahai bat ere jarri dute.

Egun osora luzatuko da festa, taper bazkariaz gain kontzertuak antolatu baitituzte arratsalderako. Hain zuzen, bingo feminista egingo dute 16:00etan, eta 17:30ean musikak piztuko du giroa La Otra, Aiaraldeko batukada feminista, Alarma morea, Tongo eta Sor DJ taldeen eskutik.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide