Artziniegako alkateak ez du parte hartuko Okondoko Lur Jareen Arabako Batzar Nagusian, bere herrian egin behar zela uste baitu

Aitor Aspuru Saez 2024ko maiatzaren 24a
Deskargatu Info Ahotsak :

Joseva Vivanco, artxibo irudi batean. / Aiaraldea.eus

Artziniegako gobernuburuaren ustez, logikoa zen Lur Jareen saio hori Artziniegan egitea eta ez Okondon. Izan ere, Artziniegan 1992an egin zen azkenengo aldiz eta Okondon 1998an.

Joseba Vivanco Artziniegako alkateak eskutitza bidali dio Irma Basterra Arabako Batzar Nagusietako Presidenteari jakinarazteko uko egingo diola Lur Jareen Arabako Batzar Nagusian parte hartzeko gonbidapenari. Ondorioz, ez da joango Okondora igandean.

Horrela, udal gobernu taldeko buruak argi utzi nahi du bere desadostasuna ekimena Okondon egitearekin. Vivancok argudiatu du 2023ko azaroan eskatu zuela batzarra Artziniegan egitea, ohiko txandakatzea jarraiki. Alkateak adierazi du bere hasierako asmoa 2022an egitea zela (hiribilduaren 750. urteurrenean), baina ezinezkoa izan zitzaien bilkura hartzea.

Berez, udal buruak gogoratu du Artziniegan 1992an antolatu zela Lur Jareetako batzarra azken aldiz eta 1998an Okondon, 2005ean Laudion, 2011n Aiaran eta 2017an Amurrion. Ondorioz, "logikoena", bere aburuz, 2024an Artziniegan egitea zen.

Hori dela eta, Vivancok Artziniegako Udalarekiko errespetu faltatzat jo du Batzar Nagusien erabakia eta deialdian parte ez hartuta egingo du protesta.

Politika Artziniega

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide